Највлијателните фудбалери во соблекувалната веруваат дека моралните квалитети на напаѓачот не се добри за Реал. Тренерот има свои идеи, па следуваат големи промени.
Реал и понатаму мирува во преодниот рок, освен трансферот на Кепа кој ги помина лекарските прегледи и Реал за него ќе плати клаузула од 20 милиони евра.
Според некои информации кои пристигнуваат од Шпанија и кои наводно Пике им ги кажал на медиумите, тоа е информацијата дека Рамос и Роналдо го блокирале трансферот на Икарди.
За него би било наједноставно да се најде решение, да се продаде Бензема и да се плати клаузулата од 110 милиони. Но Рамос и Роналдо сметаат дека тоа не е добар фудбалер за нивната соблекувална.
Јасно, ова се само шпекулации на медиумите и сеуште не е познато дали има вистина во тоа, но како и да е, Зидан има некои други цели.
Тој ако остане, а Роналдо ако замине, би сакал да го донесе Нејмар околу кој ќе го гради тимот или евентуално Еден Азар. Со нив, опција би бил и Хари Кејн, но тоа е тешка мисија.
Освен овие фудбалери, се бара и алтернатива за лев бек, Тео Ернандез засега не ја задоволи управата, но и уште еден стопер би требало да пристигне кој ќе биде замена за Рамос.
