Интересна изјава даде тренерот на Манчестер Сити после елиминацијата во осмина финалето на Лигата на шампионите.
„Граѓаните“ се елиминирани после вечерашниот пораз од Монако со 3:1, а иако неговиот тим еден час беше практично безопасен, Пеп Гвардиола играта на својот тим во второто полувреме ја оцени „исклучителна“
Нормално, незадоволен е од учинокот во првите 45 минути, но додаде и неговиот тим не беше миленик на среќата во вечерашниот меч.
„Одигравме исклучително во второто полувреме, но „заборавивме“ тоа да го направиме и во првото. Бевме подобри во продолжението, но тоа не беше доволно.
Ние ќе се подобриме, но ова барање бара доста повеќе….Понекогаш мораш да бидеш посебен и да имаш среќа. Ние вечерва тоа не бевме“, објасни Гвардиола.
