Шпанскиот весник „Спорт“ пишува дека од редовите на Ливерпул ова лето со сите сили ќе тргнат по услугите на легендарниот голман, Икер Касиљас.
На Шпанецот му завршува договорот со Порто и тој веројатно нема да биде продолжен, па на „Енфилд“ би се преселил како слободен агент.
Јирген Клоп е во потрага по голман откако не е задоволен со учинокот на своите двајца голмани Лорис Кариус и Симон Мињоле кои не ја оправдуваат неговата доверба.
За Касиљас постои интерес и од тимови од МЛС Лигата и од Кина, но се верува дека ветеранот ќе ја избере понудата на Ливерпул иако таа ќе биде значително пониска од другите.
