Јувентус ова лето го донесе Кристијано Роналдо за рекордна сума од 105 милиони фунти, што според многумина беше преголема сума за фудбалер кој има 33 години, па макар тоа бил и Роналдо.
Сепак, во Јувентус знаеја што прават и всушност донесоа фудбалер кој има биолошка структура на 20 годишник. Во своето тело, Роналдо има само седум проценти масти, а половина од неговото тело е со мускулна маса, што е утврдено и на медицинските прегледи. Фудбалерите обично имаат околу 10 или 11% масти во телото, додека нивната мускулна маса најчесто не надминува над 46%. Роналдо е исклучок.
Многу фудбалери на 33 години размислуваат за крај на кариерите, но за очекување е Роналдо да игра на високо ниво и во следните три па можеби и четири сезони.
