Тотенхем го комплетираше трансферот на Лукас Мура од ПСЖ кој во Лондон стигнува за сума од 25 милиони фунти.
Бразилецот со „петлите“ се обврза на договор со времетраење од пет и пол години и е прво зимско засилување по Деле Али кој пристигна во Тотенхем во јануари 2015 година.
„Пресреќен сум. Ова е ново поглавје во мојот живот, нов предизвик за мене. Се приклучив на голем клуб со големи играчи и со нетрпение очекувам да играм и да помогнам на тимот. Може да играм и во Лигата на шампионите што е голема цел за мене“- коментираше Мура за време на презентацијата.
