Медиумите во Англија на големо пренесуваат дека од таборот на Реал Мадрид се откажале од намерата да го донесат Мохамед Салах во своите редови.
Египетскиот интернационалец оваа сезона со сигурност е меѓу најдобрите тројца фудбалери во светото и со право го привлече вниманието на европските гиганти.
Сепак, Дејли Експрес пишува дека Реал Мадрид нема намера да притиска за неговиот потпис ова лето и своето внимание ќе го насочи кон Еден Азар од редовите на Челси.
Салах по пристигнувањето од Рома игра фантастично во дресот на Ливерпул и веќе зад своето име има запишано 29 погодоци.
