Пред некој ден во караница на тренингот на Чикаго Булс, Боби Портис се најде во физичка пресметка со Никола Миротиќ.
После ударот, Миротиќ доби потрес на мозокот и ќе го нема на терените најмалку еден месец.
На Портис му е изречена казна од 8 натпревари неиграње за тимот, а тој се извини на своите соиграчи поради таквата ситуација.
Фред Хоидберг, инаку тренер на Булси не сакаше за медиумите да зборува што и како кажал Портис во знак на извинување, но изјави дека му е драго што тој се вратил и што повторно тренира и дека жали за сите изминати случувања.
