Екипата на Манчестер Јунајтед игра се подобро во последно време.
После многу слабиот почеток на сезоната Црвените ѓаволи нанижаа неколку добри резултати и се дури на 16 мечеви без пораз во Премиер лигата.
Сепак, доста мечеви завршија со нерешен резултат па сега имаат бод помалку од Ливерпул кој се наоѓа на 4 позиција, односно на позиција која во наредната сезона носи квалификации за Лигата на шампионите.
Дефанзивецот на Манчестер Јунајтед Дали Блинд смета дека тој и неговите соиграчи на крајот на сезоната сепак ќе изборат пласман во најелитното клупско натпреварување во Европа.
„Ќе биде тешко, но мораме да останеме фокусиране и да победуваме во нашите натпревари и сигурен сум дека ќе завршиме меѓу четирите најдобри екипи на крајот на сезоната“, рече Блинд.
Да потсетиме дека Холанѓанецот во оваа сезона одигра 17 мечеви во Премиер лигата и постигна еден гол со две асистенции.
