La Gazzetta dello Sport ја пренесува информацијата дека тројца фудбалери на Јувентус поради расправии на тренинг побарале заминување од клубот. Иако точниот датум на расправијата не е споменат, истиот медиум пренесува дека на споменатиот тренинг се расправале домашни фудбалери (не се именувани) со новодојдени и странски фудбалери.
Секако, од домашните фудбалери во редовите на Јувентус помеѓу останатите се Буфон, Киелини и Барзаљи, а од новодојдените можеме да ги издвоиме Даглас Коста, Блез Матуиди или Матија Де Шиљо. Третите актери во целата ситуација се странците, а се претпоставува дека овде пред сите е Алекс Сандро, кој бара трансфер во Челси и не е задоволен од Јувентус.
После целата расправија тројца неименувани фудбалери побарале трансфер, а од Јувентус многу бргу се огласиле и ги демантирале споменатите тврдеења.
Да потсетиме, утре вечер се игра дербито помеѓу Старата Дама и Наполи, а можно е променетата формација да е измислена со цел да се смири немирот во редовите на екипата на Алегри.
Од друга страна, треба да се има предвид дека и претходно имаше расправии во екипата на актуелниот шамшион на Италија, а најсвеж пример е заминувањето на Леонардо Бонучи во Милан после кавгите со тренерот Алегри.
