Новак Ѓоковиќ повеќе не е меѓу десетте најдобри тенисери во светот, што значи дека е прекината една од најимпресивните серии во историјата на АТП листата.
Српскиот тенисер за првпат од 9 јули 2018 година испадна од Топ 10 на АТП ранг листата. Со тоа е завршена серија која траеше повеќе од осум години, во која Ѓоковиќ постојано беше дел од елитното друштво на светскиот тенис.
Ѓоковиќ беше првиот тенисер на светот кој достигна огромен број недели поминати меѓу најдобрите 10, но и на повисоки позиции.
Кога се гледа бројот на недели поминати на различни позиции и подобри места, Ѓоковиќ доминира речиси целата таблица. На позицијата број еден помина 428 недели, додека Роџер Федерер беше на првото место 310 недели.
Ѓоковиќ е рекордер и по бројот на недели поминати во Топ 2, Топ 3, Топ 4, Топ 5, Топ 6, Топ 7 и Топ 8. Федерер го надминува само кога се разгледува времето поминато во Топ 9 и Топ 10.
