Новак Ѓоковиќ во вторник ќе го одигра својот прв натпревар на мастерсот во Париз, а негов ривал во првото коло ќе биде Валентен Вашеро, кој во неделата ја освои титулата во Базел. Десеттиот носител ќе настапи на централниот терен, во третиот натпревар од програмата, со почеток околу 13:20 часот.
Ѓоковиќ е рекордер на турнирот со седум титули во Париз, но пристигнува по раната елиминација во Базел, каде што во осминафиналето загуби од Јан-Ленард Штруф. Победникот од овој дуел во второто коло ќе игра против квалификантот Ринки Хиџиката, кој го совлада Лучано Дардери со 6-2, 6-2.
Првиот ден на турнирот го одбележа и церемонијата во чест на Александер Зверев, кој официјално стана нов број еден на светската ранг-листа и е 30тиот тенисер во историјата што стигнал до врвот.
Зверев во второто коло ќе игра против Лоренцо Музети, кој по голема борба го елиминираше Хуберт Хуркач со 7-6(3), 7-6(10). Италијанецот во двата тај-брејка покажа поголема смиреност во клучните моменти.
Деветтиот носител Рафаел Јодар го совлада Алехандро Табило со 6-2, 6-3, а сега го очекува дуел со Каспер Руд, кој претходно лесно го победи Хуан Мануел Серундоло со 6-3, 6-2.
Камерон Нори по три сета го елиминираше Матео Арналди со 6-4, 1-6, 6-3 и во второто коло ќе игра против третиот носител Бен Шелтон. Победи забележаа и Лука Ван Аш против Мариано Навоне со 6-3, 7-5, Игнасио Бусе против Зизу Бергс со 6-2, 6-4, како и Даниел Мерида против Себастијан Баез со 6-4, 6-2.
Во вечерната сесија во понеделникот беа закажани дуелите меѓу Денис Шаповалов и Карен Хачанов, како и меѓу Уго Умбер и Ботик ван де Зандсхулп.
Програмата во вторник е исклучително богата, а меѓу другите ќе играат Стефанос Циципас против Лернер Тиен, Томи Пол против Холгер Руне, Тејлор Фриц против Бенжамен Бонзи и Андреј Рубљов против Томас Мартин Етчевери. Резултатите и програмата се достапни на официјалниот сајт Rolex Paris Masters, а за дуелот на Музети пишува Tennis Majors.
