Тренерот на Челси, Маурицио Сари призна дека клубот би можел да потроши повеќе од 50 милиони фунти за да ангажира нов напаѓач.
Англиските медиуми поврзуваат неколку фудбалери со Челси, а најверојатно изборот на управата паднал на Калум Вилсон од Борнмут, но постои еден проблем.
Неговата екипа бара неверојатни 75 милиони фунти за неговиот потпис, па се поставува прашањето колку е подготвен Челси да го купи, иако немаат голем избор на напаѓачката позиција.
Познато е дека Сари не е задоволен со Алваро Мората и Оливие Жиру, па останува да видиме дали ќе му биде ангажирано ново засилување во нападот.
