Анде Јанков - македонски автор: Тајните на пишување добар крими роман!? ↓↓↓
Францускиот фудбалер, Осман Дембеле би можел во јануарскиот преоден рок да оствари уште еден голем трансфер.
Овој 21-годишен фудбалер има доста проблеми во Барселона и се укажува на тоа дека наскоро ќе го напушти „Камп Ноу“.
Според информациите на англиските медиуми, Ливерпул подготвил веќе понуда. Нудат 100 милиони евра, а менаџерот Јирген Клоп е убеден дека Дембеле би бил од голема помош на патот до европската титула.
„Црвените“ веќе располагаат со исклучителни напаѓачки опции. Тука се Мохамед Салах, Садио Мане, Роберто Фирмино и Даниел Стариџ, но секако пристигнувањето на Дембеле и тоа како ќе ја засили конкуренцијата.
Дембеле во последно време во чести судири е со раководството на Барселона. Неколку дена не се појавил на тренинзите и тоа го чинеше место во тимот за дуелот против Бетис.
Французинот оваа сезона во 15 одиграни дуели постигна шест погодоци и запиша две асистенции.
