1/8 финале: Италија и Германија фаворити, но ... ↓↓↓
Во Милан нема мир во овој вакум, но новите сопственици може одма да го променат тренерот.
На Милан не оди, се редат порази, сметајќи и на тој во купот од Јувентус, четири во низа, па се ниша клупата на Монтела.
Третото место се чини е нереална амбиција во овој момент, а новите сопственици кои за околу месец дена треба да го преземат клубот имаат друга идеја кога е во прашање тренер.
Засега, Галијани успеа да го сочува Монтела, но ако не се подобри, веќе на почетокот на март, Милан може да добие нов тренер.
Идеја е Роберто Манчини.
Тој е кандидат за клупата на Вест Хем, но Билиќ успеа да ја сочува работата. „Манчио“ ја сонува работата во Арсенал, а во овој момент тоа не е реално. Прво,л не е сигурно дали Венгер ќе замине, се чини дека поголеми шанси во овој момент има Макс Алегри.
Поради тоа Манчини може да ја прифати понудата на Милан и да седне на клупата на Росонерите.
Се зборува дека Марко Фасоне кој ќе биде главен командант кога ќе биде извршено примопредавањето на клубот силно ќе ја поддржува оваа опција и дека сака Манчини да има неколку месеци на крајот на сезоната, со цел да ги сними работите и веќе да почне со создавање на екипа за наредната сезона.
Да потсетиме, Манчини два пати беше тренер на Интер, во првиот мандат освои три титули (една на зелена маса), а во Интер се врати во 2014 година и работеше без поголем успех…
