Откако неодамна Јуве ја заврши работата околу доведување на Матија Перин, сега веќе поранешен голман на Џенова, кој ќе биде конкуренција на Счезни, во Торино предмалку на лекарски преглед пристигна и германскиот играч за врска, Емре Чан.
Доскорешниот фудбалер на Ливерпул долго време се доведуваше во врска со италијанскиот првак, а после неколку неуспешни преговори „Старата Дама“ својствено на досегашната пракса го доведе за нула евра. Исто како ситуацијата со Пирло, Погба, Кедира и Алвеш.
Чан игра на позицијата офанзивен играч за врска, но може да биде и прв играч пред одбраната. Долгогодишна желба беше на Алегри, а после интересот на Барса за Пјаниќ, еве одлична прилика за додатни шпекулации, каде ќе заврши босанецот.
