Пред дербито, падна најважниот потпис во Манчестер Сити! ↓↓↓
Фудбалерите на Челси се пласираа во полуфиналето на ФА Куп после вечерашната победа против Манчестер Јунајтед.
Сините вечерва на Стенфорд Бриџ играа четвртфинале од ФА Куп против Манчестер Јунајтед, и славеа со минимални 1:0.
Единствениот гол на вечервашниот натпревар го постигна одличниот Н`Голо Канте.
После натпреварот некогашниот играч на Челси, Франк Лампард, за англиските медиуми изјави дека е воодушевен од игрите на Канте од доаѓањето од Лестер во минатото лето.
Лампард додаде дека за него францускиот репрезентативец моментално е најдобар играч за врска на светот.
„Канте моментално е најдобар централен играч за врска на светот. Игра во неверојатна форма и не можам да се потсетам на никој подобар во овој момент. Тој е навистина неверојатен“, рече Лампард.
