Од Баерн Минхен одговори на шпекулациите кои го поврзуваа Роберт Левандовски со летен трансфер.
Од баварскиот клуб инсистираат дека полскиот интернационалец сака да остане на „Алијанц Арена“ и преку соопштение се обратија до фудбалската јавност.
„Договорот кој Левандовски го потпиша неодамна истекува во 2021 година. Левандовски не сака да го напушти Баерн. Немаме одржано разговори со други клубови и воопшто нема да има разговори.
Доколку другите клубови преговараат со играчи кои имаат долгогодишен договор тие ризикуваат казна од ФИФА.“- се вели во соопштението на Баерн Минхен.
