Тренерот на Манчестер Јунајтед, Жозе Мурињо беше задоволен по синоќешната победа против тимот на Бурнемут во рамките од 34. коло од Премиер Лигата.
Црвените ѓаволи славеа рутинска победа до 2:0, а Мурињо по натпреварот истакна дека Погба беше најдобар поединец на теренот.
„Не ги сакам многу наградите кои се доделуваат на најдобар играч за натпреварот, зошто јас водам тим, а не поединци. Меѓутоа, мора да признам дека Погба беше навистина најдобар. Против Сити беше феноменален, но сега беше многу, многу добар“- порача Мурињо.
Односите помеѓу овие двајца не се баш најдобри, а се шпекулира дека Погба би можел да си замине од клубот во текот на летниот преоден рок.
