Од Вест Хем денес го потврдија трансферот на португалскиот интернационалец Жоао Марио кој во Лондон пристигнува на позајмица од Интер.
25 годишниот фудбалер ја доби неопходната меѓународна дозвола во петокот и веднаш може да се стави на располагање на Дејвид Мојс.
„Многу сум среќен што дојдов тука. Ова ќе биде неверојатно искуство затоа што се приклучувам на одличен тим. Навистина ми е драго што сум тука. За мене е доста возбудливо што ќе играм во Премиер лигата“- коментираше Жоао Марио при потпишувањето на договорот.
Португалскиот репрезентативец во дресот на Вест Хем ќе го носи дресот со број 18.
