Тренерот на Тотнем, Маурицио Покетино, смета дека Хари Кејн се обвинува себеси затоа што мисли дека треба да постигнува повеќе голови.
Во победата против ПСВ во Лигата на шампиони, 25-годишниот фудбалер го постигна 150 гол за Тотнем, а сезонава постигна осум голови во 11 натпревари.
„Кејн е убиец. Секогаш сака да постигнува голови и посветен е на тоа. Всушност, тој е опседнат со тоа и премногу се замара, па понекогаш тоа работи против него. Ама ќе го научи тоа со време, зашто така човек созрева“, објасни Покетино.
