По ваквите одлуки, Солскјер моментално е најомилениот лик на фановите на Манчестер Јунајтед…


Анде Јанков - македонски автор: Тајните на пишување добар крими роман!? ↓↓↓


Манчестер Јунајтед би требало да се ослободи од неколкумина играчи оваа зима.

Навивачите со овации ја поздравија одлуката на Норвежанецот да го пушти Фелаини кој има примамлива понуда од Кина, а останува да се види како сето тоа ќе заврши, но изгледа дека Белгиецот не е единствен кој е на листата за заминување.

Во овој момент, изгледа дека и Марко Рохо кој повторно се повреди, ќе замине во нов клуб. Аргентинецот одигра само два меча во Премиер лигата оваа сезона, Солскјер изгледа дека не смета на него, го врати од Дубаи, а се шпекулира дека неговото заминување значи и дека клубот го подготвува теренот за пристигнување на нов стопер.

Но, Кулибали кој е прва мета тешко може да биде купен оваа зима, како што се наведува Јунајтед го сака и Даглас Коста, но Јувентус нема намера да го продаде Бразилецот до летото.

Солскјер инсистира засилувањата да бидат само играчи кои можат веднаш да му помогнат на тимот, изгледа дека не е заинтересиран за Караско, бидејќи конкуренцијата во нападот е силна, а на клубот му се потребни дефанзивци.

Како што е познато, ова се вистински потези по подолго време, поради тоа навивачите го обожуваат Солскјер, а со воодушевување е дочекана вчерашната вест дека сега прв кандидат за предводник на тимот во следната сезона е токму Норвежанецот.

Јунајтед го очекува дуелот со Брајтон, се зборува дека Матиќ е на одмор, дека од првата минута во составот би можел да се најде Андреас Переира, а и дека мечот исто така би можел да го стартува Дало.