Како што пренесуваат медиумите во Франција постои интерес од три екипи од Премиер лигата за левиот бек на ПСЖ, Лајвин Курзава.
Курзава веројатно ќе го напушти ПСЖ ова лето, а за неговите услуги интерес пројавиле Челси, Тотенхем и Манчестер Јунајтед.
„Сините“ од Лондон се обидоа да го донесат Курзава и во јануарскиот преоден рок, но тогаш трансферот не успеа, а се сметаат за фаворити и за летниот преоден рок. Ситуацијата ја следи и Манчестер Јунајтед кој е во потрага по стабилен лев бек откако е јасно дека Лук Шо нема иднина меѓу „ѓаволите“, барем додека Жозе Мурињо е на клупата на овој тим.
Наводно и Маурисио Покетино се распрашувал за Курзава, но Тотенхем има најмали шанси за да ги обезбеди неговите услуги.
