Францускиот великан планира оваа зима да продаде минимум двајца од своите фудбалери. Како што пренесува „Л’Екип“ раководството на тимот од Париз дало зелено светло за заминување на Хатем Бен Арфа и Лукас Мура.
Бен Арфа веројатно ќе добие слободни документи и без обесштетување ќе може да го напушти клубот, додека Мура ќе биде продаден или ќе замине на позајмица.
За Бен Арфа постои интерес од неколку клубови од Англија и Франција, додека за бразилскиот фудбалер има интерес од Манчестер Јунајтед и две екипи од Шпанија. Наводно „ѓаволите“ посакуваат да го донесат Мура на шестмесечна позајмица.
