Публиката му свиркаше, тој со еден коментар ја предизвика и доби овации од останатите: Ѓоковиќ со ироничен коментар кон „свиркачите“ (видео)

Српскиот тенисер Новак Ѓоковиќ се пласираше во полуфиналето на АТП турнирот во Дубаи откако со 2:1 по сетови го совлада Николоз Басилашвили.

Најдобриот светски тенисер доживеа непријатност по крајот на натпреварот додека даваше интервју. Србинот од одредени присутни на стадионот доби свирежи и во еден момент го прекина интервјуто, па се обрати на публиката.

„Вие баш сакате да свирите? Добро, ајде да направиме натпревар во свиркање. Да видиме која трибина ќе победи“- истакна Ѓоковиќ.