Реми во Лондон, Меси конечно погоди против Челси

Првиот натпревар од осминафиналето помеѓу Челси и Барселона заврши без победник (1:1).

Многу повеќе причини за задоволство имаат Каталонците кои стигнаа до гол по една грешка на одбраната на Челси, а тоа беше нивна единствена изгледна прилика на натпреварот.

Челси стигна до водство во 62. минута преку Вилиан, кој по двете погодени стативи конечно ја затресе мрежата на Тер Штеген.

Сепак, одбраната на Челси на чело со Кристенсен и Аспиликуета реагираше катастрофално во 75. минута и му овозможи на Иниеста одлично да го проигра Меси кој конечно ја затресе мрежата на „сините“ во осмото соочување со овој клуб.