Своевремено еден од најдобрите играчи на светот, Луис Назарио да Лима Роналдо зборуваше за иднината на својот сонародник, Нејмар.
Роналдо истакна дека Нејмар и следната сезона ќе го носи дресот на ПСЖ и дека шансите да заигра за Реал се мали.
„Тешко е да се купи. ПСЖ потроши многу пари за него. Ќе биде многу комплицирано за него еден ден да заигра во Реал. Мислам дека тоа сега е невозможно, можеби ќе биде за неколку години. Мислам дека во моментов му е добро и дека го сака животот во Париз“- истакна Роналдо.
Во јавноста имаше шпекулации дека Нејмар по само една сезона ќе си замине од ПСЖ и ќе се пресели во редовите на Реал Мадрид, но оваа изјава треба да ги смири фановите на францускиот клуб.
