Манчестер Сити веќе во првиот натпревар одигран во Базел го прослави пласманот во четврт финалето од Лигата на шампионите.
Избраниците на Пеп Гвардиола не оставија ништо на случајност и со високи 4:0 се враќаат од гостувањето во Швајцарија и мирно ќе го дочекаат реваншот за две недели.
Манчестер Сити во само девет минути во првиот дел го реши името на победникот. Во 14. минута Гундоган го отвори резултатот, а само четири минути подоцна Силва зголеми на 2:0. Третиот гол за Манчестер Сити го постигна Агуеро во 23. минута.
Илкај Гундоган во 53. минута го постигна четвртиот гол за Манчестер Сити и го постави конечниот резултат на натпреварот.
