Анде Јанков - македонски автор: Тајните на пишување добар крими роман!? ↓↓↓
Се одиграа два натпревари од петото коло од суперлигата.
МЗТ Скопје на домашен паркет го победи Куманово, 81:76.
Лалиќ и Мијатовиќ погодија за плус шест, 12:6. МЗТ со серија од шест поени стигнаа до двоцифрена предност после првата четвртина, 24:13.
Браун и Караџовски на почетокот на втората четвртина намалија на седум негатива, 25:18. Домашните со шест поени во серија ја вратија двоцифрената предност, 31:18. Кошаркарите на Куманово постигнаа пет поени во низа, 31:23. Куманово преку Караколев и Пековиќ намали на шест негатива, 38:32. Ѓуроски и Дреновац погодија тројки за плус 12, 44:32. На полувреме МЗТ замина со двоцифрена предност, 44:34.
Јанески со четири поени во низа намали на шест негатива, 44:38. Лалиќ и Темс ја вратија двоцифрената предност на МЗТ, 48:38. МЗТ преку Ѓуроски и Клоф зголеми на плус 12, 54:42. Во последните десет минути од натпреварот аеродромци влегоа со 10 поени предност, 60:50.
Караџовски погоди две тројки во низа за 62:59. Две минути пред крајот на натпреварот МЗТ имаше плус седум, 75:68. Караџовски и Јанески намалија на два негатива, 75:73. Караколев 20 секунди пред крајот погоди едно слободно фрлање за 75:74. МЗТ на крајот победи со 81:76.
Темс со 22 поени го предводеше МЗТ Скопје до победа. Лалиќ додаде 20, а Мијатовиќ 14 поени. Кај Куманово најефикасен беше Караџовски со 30 поени. Јанески постигна 17, а Браун 11 поени.
Работнички лесно го совлада Фени Индустри на домашен паркет, 84:69.
Клубот од Градски Парк започна со серија од 8:0. Тасовски и Мираковски со пет поени во низа му ја донесоа првата двоцифрена предност на Работнички, 13:2. Чековски и Тасовски погодија тројки за плус 15, 19:4. Николовски намали на 11 негатива, 19:8. После десет минути игра Работнички имаше двоцифрена предност, 24:10.
Фени преку Стајиќ и Петровски намали на осум негатива, 30:22. Тасовски и Илиевски постигнаа пет поени во низа за 35:22. Гостите постигнаа осум поени во серија за минус пет, 35:30. Чешковиќ погоди за два, а Стајиќ две слободни фрлања за 40:36 на полувреме.
Пантиќ и Николовски намалија на три негатива, 45:42. Гостите успеаа да намалат и на еден поен негатива, 49:48. Мираковски, Тасовски и Мишановиќ со своите поени му донесоа двоцифрено водство на Работнички, 58:48. Пред крајот на третата четвртина Ѓекиќ погоди тројка за 58:41 пред последните десет минути игра.
Работнички фуриозно влезе во последната четвртина од натпреварот, 69:51. Фени преку шесте поени во серија на Николовски намали на 12 негатива, 69:57. Илиевски, Tасовски и Ефремовски погодија три тројки во низа за плус 21, 81:60. На крајот Работнички победи со 84:69.
Тасовски со 22 поени го предводеше Работнички до победа. Илиевски додаде 20, а Мираковски 16 поени. Кај Фени најмногу се истакна Николовски со 20 поени. Стајиќ постигна 11, а Ѓекиќ 10 поени.
