Доста охрабрувачки вести стигнуваат за Јирген Клоп на шест дена пред големото финале од Лигата на шампионите.
Имено, денес со останатите првотимци на Ливерпул, по двомесечна пауза тренираше и Емре Чан кој би требало да биде големо засилување за средниот ред на „Црвените“. Чан треба да донесе цврстина и да ги неутрализира нападите на неверојатно опасните офанзивци на Реал Мадрид.
„Пред десет дена не беше можно да го реализира тоа што го прави денес. Тоа е многу позитивна вест, но мора да бидеме трпеливи. Вратите се отворени, навистина сака да игра во финалето. Ќе видиме што ќе се случи“ –коментираше Клоп.
