Александар Вучковски - сомелиер: Како македонските вина го освојуваат светот? ↓↓↓
За Арнел Јакуповиќ (19), младиот репрезентативец на Австрија со потекло од Босна, се повеќе се пишува овие денови низ италијанските медиуми.
Од оваа зима талентираниот Јакуповиќ настапува за Јувентус во Примавера, а на досега одиграни три натпревари има постигнато три погодоци и една асистенција, со што го привлече вниманието.
Дека Јувентус се свесни каков фудбалер имаат во своите редови, сведочи и фактот што планираат да го откупат неговиот договор од второлигашот Емполи, а откупната клаузула е 5 милиони евра.
„Арнел покажа дека е прав голгетер. Веќе добива прилика да тренира со првиот тим, што е многу важно за него, бидејќи може многу да научи. Јувентус се покажа како совршено опкружување за него“, изјави неговиот агент Игор Глушевиќ, за италијанските медиуми и додаде:
„Дали сака Јуве да го откупи? Ќе видиме што ќе се случи. Постојат уште неколку клубови кои се заинтересирани“.
