Шанса да станеш YouTuber! Приклучи се! ↓↓↓
Кристијано Роналдо вчера го постигна првиот гол за Јувентус во Серија А.
Португалецето не се запишуваше во листата на стрелци во првите три кола, но синоќа заблеска и ги постигна и двата гола за победа на Јувентус над Сасуола со 2:1.
Тоа се првите погодоци за Роналдо во официјалните настапи во новиот клуб каде пристигна ова лето за 117 милиони евра од Реал Мадрид и се чини дека ги ,,запали моторитe”. Погодоците сигурно многу го израдуваа, но би можеле да му донесат и дополнителен профит.
Имено, италјанските медиуми откриваат дека Роналдо со плата од 30 милиони евра годишно има и клаузула во договорот според која ќе заработи додатни 5 милиони евра бонус ако на крајот на сезоната ќе постигне во просек еден гол по натпревар.
Тоа би можело да биде дополнителен мотив за Роналдо да ја полни противничката мрежа, а вчера наговести дека е спремен иако многумина се посомневаа во него тврдејќи дека ,,поразлично е да се игра во Италија отколку во Шпанија”.
