Некогашниот сопственик на Милан, контроверзниот Силвио Берлускони се врати во фудбалот купувајќи го италијанскиот третолигаш Монца.
Тој таму веднаш го доведе и Андријано Галијани, некогашната своја десна рака, а сега повторно подигна прашина со изјава во свој стил.
„Некои сега говорат дека моите компании имаат пари на странски сметки и дека тие пари се вратиле со продавањето на Милан. Моите компании никогаш немале средства надвор од Италија. Само будали можат да тврдат друго“, изјави Берлускони за Рете 4 и додаде:
„Сакам играчи кои ќе се извинат по направениот фаул над противникот, кои еманципирано разговараат со судиите и даваат автограми. Многу тимови во Серија А имаат по 11 странци на теренот, играчи чии имиња не можат да се изговорат и на кој никому не се пример“, порача некогашниот премиер на Италија.
