Управата на мадридски Атлетико му понуди на Интер 75 милиони евра за трансфер на капитенот Мауро Икарди, пренесува Коријере дело Спорт.
Како што се наведува, „проблематичниот“ Аргентинец е желба на тренерот Диего Симеоне и проектиран е како замена исто така за „проблематичниот“ Диего Коста.
Икарди оваа сезона одигра 29 натпревари за Интер и постигна 16 погодоци.
Тој пред повеќе од еден месец остана без капитенската лента, откако неговата сопруга и менаџер Ванда Нара влезе во отворен судир со управата на „Нероаѕурите“.
