Лајпциг со пристигнувањето на Дитер Матешиќ направи вистинско мало чудо, бидејќи успеа за помалку од деценија да се пласира во Бундеслигата каде има одлични резултати.
Еден од најзаслужните е лидерот на скаут службата, Пол Мичел кој на истокот на Германија пристигна пред две години по епизодата во Тотенхем каде успеа да донесе играчи како Деле Али, Трипие и Алдервајлд.
Сега стекна фантастична репутација и во рамки на Европа, па не е ниту чудо за неговите услуги да имаат интерес великаните од Островот како Манчестер Јунајтед, Арсенал и Челси.
Англиските клубови оддамна го преминаа системот на функционирање во кој тренерот се прашува и за трансферите, па јасно е дека во модерниот фудбал потребна им е помош во ликот на спортски директор.
Мичел нема особено забележана играчка кариера бидејќи настапуваше претежно за англиските клубови во пониските рангови, но многу е почитуван во фудбалските кругови поради способноста да пронајде талентирани играчи.
