Аргентинецот не сака надвор од Италија.
Мауро Икарди се наоѓа на излезните врати на Интер.
Аргентинецот во изминатите месеци има огромни проблеми со раководството на тимот, соиграчите и навивачите и на никој не му е омилен поради тоа што го направи.
Веројатноста дека овој 26 годишен играч ќе ја напушти екипата на Џузепе Меаца е се поголема, но сеуште не е познато каде ќе ја продолжи својата кариера.
Понуди пристигнуваат од сите страни, а официјални понуди до тимот од Милано испратија Атлетико и ПСЖ. Меѓутоа Икарди одлучи да ги одбие тие понуди бидејќи не сака да ја напушти Италија и посакува трансфер во Јувентус.
Интер не сака да ја засилува своојата конкуренција и раководството на тимот не прифатило да го продадат на Старата Дама. Меѓутоа, економските причини и амбициите за кариера, Икарди го водат кон Торино и најверојатно може да се случи да го видиме во дресот на првакот во Италија од наредната сезона.
