Сообраќајка се случи во местото Динек, кое се наоѓа на влезот во Аланија, откако фудбалерите на Аланијаспор се враќале од мечот против Кајсериспор (1-1).
Во минибусот во време на несреќата се наоѓале осум фудбалери на тимот, а трагични вести пристигнаа утринава, откако беше објавено дека починал Јозеф Сурал.
Овој 29-годишен фудбалер од Чешка починал од повреда во болницата, а останатите седум фудбалери имале полесни повреди. Покрај Сурал во автобусот биле уште Сисе, Велинтон…
Турската јавност е во шок од случувањата, па уште не е јасно како се случила сообраќајната несреќа и во моментов полицијата работи на случајот, па наскоро се очекуваат повеќе информации.
