Францускиот репрезентативец Пол Погба реши да го напушти Манчестер јунајтед, кој го ангажираше пред неколку години од Јувентус.
Англиските медиуми објавија дека Погба на управата на Манчестер без многу двоумење ѝ порачал дека сака да замине летово.
„Три години сум во Манчестер – имав добри и лоши моменти, како и сите. Мислам дека ова е добро време за нов предизвик“, порачал Погба.
По изјавата нема дилеми дали Французинот сака да замине од „Олд Трафорд“, но сега не е познато во кој клуб ќе ја продолжи кариерата.
Долго време се шпекулираше дека ќе се пресели во Реал Мадрид, а со него се поврзуваше и Јувентус, но сигурно сега ќе се вклучат и некои други европски гиганти, па останува да видиме каде ќе ја продолжи неговата кариера.
