Српската кошаркарска репрезентација одлично ја отвори втората фаза од натпреварувањето на Светското првенство против Порторико.
Избраниците на селекторот Александар Ѓорѓевиќ првиот дел од турнирот го завршија со три победи, а денеска го декласираа Порторико со 90-47.
Уште по првата четвртина беше 23-14, додека Србија на полувремето стигна до 49-26 и тогаш беше јасно дека тие ќе стигнат до уште една победа.
На крајот имаше простор за малку трикови, а Србија на крајот славеше со убедливи 43 поени разлика.
Немања Бјелица ја предводеше Србија со 18 поени, Бобан Марјановиќ постигна 16, а Никола Јокиќ дури 14 поени. А на другата страна на теренот најефикасен беше Дејвис Хуертас со 11 поени.
