Поранешниот голман на Киево, Стефано Сорентино се потсети на интересен момент од неговата кариера. Во текот на кариерата, тој имаше шанса да игра за многу италијански клубови и стигна речиси до 400 настапи во Серија А, а еден од тие кои се памети е против Јувентус кога му одбрани пенал на Кристијано Роналдо.
Тоа дополнително добива на тежина, ако се знае дека единствениот промашен пенал на Роналдо во италијанскиот клуб му е токму тој.
„Се договоривме да ги размениме дресовите, но откако промаши пенал, беше многу лут. Никогаш никој претходно не му одбрани пенал. Се сретнавме во тунелот, се поздравивме и тој ми честиташе, но неговиот израз на лице не беше најдобар. И не ми го даде дресот“, откри Сорентино.
