Германскиот ракометар Кристијан Дисингер вчера во интервју за германските медиуми откри дека ќе остане во европскиот шампион Вардар.
Германецот кажа дека се договорил со новата управата на „црвено-црните“ и му се допаднал новиот проект на Михајло Михајловски.
„Кажав дека чудо ќе ме задржи во Вардар и следната сезона, и токму тоа се случи тука. Тешко беше да не се зема плата со месеци, сепак најважно беше тоа што сме сложни и што не се скаравме. Се договорив со мојот менаџер и новиот претседател на клубот, Михајло Михајловски за да останам барем уште една сезона во Вардар“, кажа германскиот ракометар.
