Анде Јанков - македонски автор: Тајните на пишување добар крими роман!? ↓↓↓
Поранешниот лекар на клубот на Реал Мадрид, Хесус Олмо, зборуваше пред шпанското списание Идеал за предизвиците со кои се соочил во текот на неговата кариера во спортот, како и за индивидуалните играчи.
Тој особено го истакна Герет Бејл, фудбалерот на Реал Мадрид, кого го смета „веројатно најдобриот спортист што го видел досега“.
Герет Бејл во комбинација на физички предиспозиции и фудбалски знаења заработи астрономски трансфер во Реал Мадрид. Сепак, Велшанецот никогаш не се вклопи во Реал и тој веќе некое време е целосно во втор план.
Сепак, тоа нема никаква врска со она за што зборуваше Олмо.
„Веројатно најдобриот спортист што сум го видел е Герет Бејл“, рече Олмо и додаде:
„Тој е природен спортист кој може да се занимава скоро во секој спорт. Тој поседува необична генетика, атлетска способност и јас би рекол техничка вештина“.
И навистина, Бејл е висок, силен и извонредно брз, и без повреди и други проблеми што го придружуваат во текот на неговата кариера, тој имаше потенцијал да стане еден од најдобрите во светот.
