Еден од хероите на Наполи во синоќешниот триумф против Јувентус беше голманот Алекс Мерет.
Тој, меѓу другото, одбрани еден пенал во пенал серијата, а освен тоа, во текот на сите 90 минути, тој беше многу сигурен и имаше неколку добри одбрани.
После натпреварот, тој не сакаше да се издвојува во преден план, но рече дека Џанлуиџи Буфон сепак е број 1 за него. Ветеранот на Јувентус синоќа одигра маестрален натпревар, кој го пофали неговиот 19-годишен помлад колега.
“Џиџи е сеуште број 1, тој го докажа вечерва со три или четири фантастични одбрани. За мене е чест да играм против некој кој беше и сè уште е мојот идол, така што сето ова е уште повеќе посебно за мене”, рече тој 23 -годишен Мерет.
Тој вели дека следново за самиот натпревар и освоен трофеј:
“Ова е многу возбудливо. Мислам дека имавме одлично патување. Дадовме се од себе од првата до последната минута. Јас сум многу горд што сум дел од тим како овој. Тренерот и претседателот исто така рекоа дека се горди на нас”, додаде тој.
Патем, за Наполи, ова беше шести трофеј во Купот на Италија и прв по шест години.
