Кошаркарите на Лос Анџелес Лејкерс успеаа да поведат во финалната серија на Западот против Денвер нагетс затоа што првиот меч го добија со 126-114.
Лејкерс сигурно се најголем фаворит за освојување на НБА-лигата сезонава, а Денвер покажа дека не треба лесно никој да ги отпише.
Екипата на Леброн Џејмс го диктираше темпото од самиот почеток, но Денвер ја доби првата четвртина со 38-36, по што Лејкерс направи пресврт и на полувреме поведе со 70-59.
Тимот од Лос Анџелес доминираше и во третата четвртина, каде што стигна до водство од 103-79, но Денвер во последната четвртина успеа да ја намали предноста. Сепак, на крајот славеше Лејкерс со 126-114.
Ентони Дејвис беше одличен со 37 поени, 10 скокови и четири асистенции, додека Џејмс имаше 16 поени и 12 асистенции. Кај Денвер се покажаа најмногу Никола Јокиќ и Џамал Мареј со по 21 поен.
