Веста дека големите европски клубови во соработка со Светската фудбалска федерација (ФИФА) тргнаа во формирање на европска Премиер лига предизвика големи реакции.
ФИФА даде поддршка за формирање на такво натпреварување и реши да го намали влијанието на УЕФА на светскиот фудбал, а „Скај Спорт“ вчера објави дека лигата би можела да почне од 2022 година.
Нејзиното формирање на некој начин би значело и крај за Лигата на шампиони, а голем број гиганти од европскиот фудбал се подготвени да играат во натпреварувањето.
Листата на потенцијални учесници е импресивна и е составена од: Ливерпул, Манчестер јунајтед, Арсенал, Челси, Манчестер сити, Тотенхем, Барселона, Атлетико Мадрид и Реал Мадрид, ПСЖ, Јувентус и Баерн Минхен и има можност за проширување.
Засега овие 12 тимови се во игра за создавање на лигата, но УЕФА јасно порача дека е против формирање на ваква лига.
