Диск голф го освојува светот, а го нема во Македонија!? ↓↓↓
Уругвајскиот напаѓач Луис Суарез се наоѓа на праг да го напушти Атлетико Мадрид, кој го засили на почетокот на минатата сезона од Барселона, а негова следна дестинација треба да биде Астон вила.
Суарез во претходните недели играше лошо, па сè повеќе време минува на клупата за резервни фудбалери, а во една ситуација се скара и со тренерот Диего Симеоне, кој реши да го повлече од игра.
Атлетико добил неколку понуди за Суарез од Бразил, како и една понуда од Саудиска Арабија, но Уругваецот не сака да ја напушти Европа и смета дека сè уште може да игра на врвно ниво.
Шпанскиот новинар Џерард Ромеро објави дека Суарез може да се врати во Англија, и тоа во Астон вила која ја предводи неговиот поранешен соиграч Стивен Џерард, кој веќе контактирал со него преку телефонски повик.
