Анчелоти даде коментар за пеналот на Бензема: Јас сум виновен!

Пред дербито, падна најважниот потпис во Манчестер Сити! ↓↓↓

Францускиот репрезентативец Карим Бензема промаши пенал во саботата против Елче, па Реал Мадрид мораше да се спасува од срам затоа што имаше негатива од 0-2, но за среќа преку Лука Модриќ и Едер Милитао стигна до бод (2-2).

Реал Мадрид можеше да го победи Елче, имаше многу шанси, а посебно неефикасен беше Бензема, кој во првиот дел промаши удар од белата точка.

Тренерот на „кралевите“, Карло Анчелоти вели дека самиот е виновен за промашувањето затоа што пред мечот му дал совет на Французинот.

„Промашениот пенал на Бензема е моја грешка. Му кажав дека противниците ги анализираат неговите пенали и треба да ја промени страната. Ме послуша и промаши. Подобро ќе беше да молчам“, кажа Анчелоти.

Бензема е најдобар стрелец на „кралскиот клуб“ сезонава со 17 голови на 21 натпревар во Ла Лига, додека пет погодоци даде во Лигата на шампиони (ЛШ) на пет натпревари, а има и два гола во Суперкупот на Шпанија.

ПОВРЗАНИ НАПИСИПОВЕЌЕ ОД АВТОРОТ