Полскиот репрезентативец Роберт Левандовски ја прекина соработката со „Хуавеи“, втората најголема мобилна компанија во светот.
Кинеската компанија, наводно, ја поддржува Русија поради што Левандовски реши да ја прекине соработката и да загуби неколку милиони евра.
Британски „Дејли Мејл“ објави дека Кинезите се на страната на Русија и помагаат во одбраната од сајбер нападите врз Русите.
„Хуавеи“ веќе објави соопштение во кое остро ги демантира шпекулациите на „Дејли Мејл“, иако фудбалерот засега молчи и не кажува дали е прекината соработката, која беше потпишана на три години и му гарантираше пет милиони евра по сезона.
