Дефанзивецот на Јувентус, Џорџо Кјелини најави дека ќе го напушти тимот од Торино за кој настапува од 2005 година.
Кјелини освои 19 трофеи со Јувентус, а заминување најави по поразот од Интер со 2-4 по продолженија во Купот на Италија.
Искусниот фудбалер својот последен меч за репрезентацијата на Италија ќе го одигра на 1 јуни против Аргентина, а засега не знае дали ќе ја заврши кариерата.
„Не знам, морам да разговарам со семејството. Среќен сум што заминувам и им давам простор на помладите. Тоа е мој избор“, кажа Кјелини.
Кјелини со Јувентус освои девет шампионски титули во Италија, пет во Купот и пет во Суперкупот.
