Ромелу Лукаку минатото лето пристигна во Челси во трансфер вреден 100 милиони евра од Интер, но Белгиецот не ги оправда очекувањата.
Челси не планира да го задржи Лукаку и следната сезона затоа што не се задоволни од неговите услуги, а и самиот напаѓач побара да се врати во Интер.
Белгиецот сака да се врати во италијанскиот тим, но Интер нема доволно пари за позајмица и понуди само пет милиони евра, додека „сините“ сакаат двојно повеќе.
Наскоро се очекуваат нови преговори меѓу двете страни, па се шпекулира дека е можен договор меѓу Челси и Интер за позајмица од 10 милиони евра со обврска да биде откупен за 50 милиони евра следното лето.
