Време е за Boxing Day! И време е за Wildcard на Fantasy Premier league! ↓↓↓
Поранешниот италијански репрезентативец Леонардо Бонучи ја откри својата верзија на познатиот конфликт со Масимилијано Алегри, кој се случи на крајот од натпреварот помеѓу Јувентус и Палермо во 2017 година!
Во разговор за „Prime Video“, Бонучи детално ја опиша тепачката која се случи во соблекувалната и зошто таа дојде, а и дека сето тоа влијаеше на неговата одлука да премине во Милан.
– Маркизио се врати по повредата на вкрстените лигаменти и во 60. минута се измори. Му реков: „Клаудио, мораш да излезеш.“ Тој не сакаше да излезе, па му сигнализирав на Алегри да го замени играчот со број осум, бидејќи буквално беше исцрпен на теренот. По пет минути, го замени Стураро со Ринкон, јас му покажав знак и тој ми кажа да се изгубам. Ми кажа да бидам само играч, дури ме нарече идиот, нешто слично, има снимени видеа.
По последниот судиски свиреж, се случил хаос во соблекувалната.
– На крајот од натпреварот, се вратив во соблекувалната и го најдов Ландучи кој се обидуваше да ме запре. Тогаш го турнав кон вратата и влегов во соблекувалната. Се нападнавме меѓусебно додека не не разделија. Потоа му пристапив и реков: „Не разбра што сакав да кажам.“ Повторно стана лут, па ме изведоа надвор и тоа беше тоа – рече Бонучи.
